Sijti Jarngen bïjre

 

Åssjalommes guktie Sijti Jangen, Aarbortesne edtji årrodh. Reektesovvi aktem tjåangkosne gie Nordisk Samiraddi utni Utsjokien njoktjen 1972. Giesien 1982, luhkie jaepien mænngan eelkin Aarbortesne bïgkedh, jih göökte jaepieh dan mænngan, njoktjen 1984 dellie åadtjoejin gåatan tjaangedh, jïlhts ij annje gaajhkem gaalkeme.

 

Sijti Jarnge, jïjtjehke saemien gåetien hammoem åtna. Dah gåetieh lin aarebi derhvijste jïh biessijste låavteme gosse tseagkergujmie lij gaalkeme.

 

Aernien sijje lea gaskoe gåetesne jïh rïehpene gustie aarebi soeve berkesti, desnie lea klaase guktie maehtiejibie elmien-jissiem vuejnedh. Saemien gåetesne lea båassjoe åvtene, gusnie beapmoeh jih lihtieh utnin. Båassjoe lea eejles sijjie, guktie nåejtien gievrie aaj sijjem desnie åtna. Nåetjien gievriem nuhtjie gosse sïjhti viehkiem vïedtjedh ietien luvhtie. Nemhtie nåejtie dïhte saemien soptsestæjja dej gaskem.

 

1.Vaajmoe

Gåetien jarnge lea Sïjti Jarngen ”Vaajmoe”. Dasnie almetjh åadtjoeh tjåangkanidh, rååresjidh jïh allasidh.

 

2. Gïete

Vierhkie-sijjie lea Sijti Jarngen ”gïete” Daesnie åådtje dovne garre jïh myövkes duedtine vytnesjidh. Sïlph,dueljie, sesnie, skåerrie, hovre, tjåervie. Saemie-gïetevætnoe lea åehpies sjïdteme, juktie tjaebpies jïh nænnoes vætnoe. Saemien noerh åådtjoeh kuvsjen tjïrrh åahpanidh saemien vætnojne. Nemhtie saemien vuekie-voeth jïh maahtoeh åådtjoeh boelviste boelvide juhtedh.

 

3.Jïermie

Sïjti Jarngen lea aaj sijje, maam lea nommestehteme ”jiermie”. Daesnie åådtje tjöönghkedh aamtesh mejtie heevehdahta jih nænnoestahta saemien goerkesh veasoj bïjre, jielegen jih vuekie-voeth bïjre.

Daesnie lea aaj gåetieraajroe gusnie daan biejjetje medijeh gååvnesieh.

 

Sijti Jarngen bealesne lea saemien gåetie jïh buvriem maam saemien aerpievoeten mietie tseegksovveme.

Reeremisnie åadtjoeh saemien vætnoeh, gærjah, musigkh jïh guvvieh åestedh.

 

Buerie båeteme Sïjti Jarngese!